Sot, në fshatin e tij të lindjes, Glloboçeni, shënuam 111-vjetorin e lindjes së shkrimtarit të madh me prejardhje maqedonase, Sterjo Spasse.
Delegacion i partisë Aleanca e Maqedonasve për Integrimin Europian (AMIE), së bashku me Risto Durlovskin – kryetar i shoqatës “Maqedonasit e Bashkuar” nga Kanadaja, vendosën lule pranë bustit të tij, duke nderuar jetën dhe veprën që lanë gjurmë të pashlyeshme në historinë kulturore.
Sterjo Spasse (1914–1989) – i lindur në Glloboçeni dhe i ndarë nga jeta në Tiranë – është një nga themeluesit më të rëndësishëm të letërsisë bashkëkohore shqiptare, ndërsa rrënjët e tij janë thellësisht të ngulitura në traditën maqedonase. Shkrimtar, antolog, përkthyes, autor tekstesh shkollore dhe mbledhës i krijimtarisë popullore maqedonase, ai arriti të bashkojë kulturat dhe të përcjellë historinë e Prespës shumë përtej kufijve të saj.
“Glloboçeni dhe Prespa me të drejtë krenohen që i dhanë Shqipërisë një shkrimtar të pavdekshëm, veprat e të cilit janë të gdhendura në themelet e letërsisë shqiptare dhe ndriçojnë kontributin e maqedonasve në shoqërinë shqiptare, tha Vasil Sterjovski, kryetar i partisë Aleanca e Maqedonasve për Integrimin Europian (AMIE).